पिंपरनई

पिंपरनई हे गाव महाराष्ट्रातील बीड जिल्ह्यातील बीड तालुक्यात आहे. गावाची ग्रामपंचायत स्थापना १९६२ साली झाली. गावाचे एकूण क्षेत्रफळ १००० हेक्टर असून लोकसंख्या अंदाजे २००० आहे. गावात ३०० कुटुंबे वास्तव्यास असून मतदार संख्या ११०० आहे.

गावामध्ये अनेक धार्मिक स्थळे आहेत, त्यामध्ये विठ्ठल रुक्मिणी मंदिर, हनुमान मंदिर, नामाजी बुवा मंदिर व लक्ष्मी आई मंदिर यांचा समावेश होतो. आमच्या गावाची ओळख ऊसतोड कामगारांचे गाव म्हणून आहे. गावामध्ये पाण्याचा स्त्रोत नसल्यामुळे बरेचसे लोक ऊस तोडीसाठी बाहेर जिल्ह्यामध्ये जातात.

गाव ग्रुप ग्रामपंचायत पिंपरनई/फुकेवाडी/चांबरमळई अंतर्गत येते. पोस्ट लिंबागणेश, तालुका व जिल्हा बीड आहे. गावात विकासकामे मोठ्या प्रमाणात झाली आहेत: चार सभामंडप, दोन सिमेंट रस्ते व पेवर ब्लॉकची कामे पूर्ण झाली आहेत. गावात ३ शाळा, ३ अंगणवाड्या आहेत. सार्वजनिक पाणीपुरवठ्यासाठी पाईपलाईन व दोन पाणी टाक्या आहेत. ३० स्ट्रीट लाईट्स, १० महिला बचत गट व १ शेतकरी गट कार्यरत आहेत.